*بسم الله الرحمن الرحيم السلام عليكم و رحمة الله و بركاته صباح الخير و الورد و الياسيمن و مساء السعادة و الحب و الرضي من الله احبائي في الله اريد من كل من يقرا موضوعي البسيط وعدا واحدا اريد منه ان يعدني وعدا واحدا امام الله و لكن دعونا في البداية نتكلم سويا بعض الكلمات نحن جميعا نعرف ان النظافة من الايمان وروى أن النبي قال: ( إن الله تعالى طيب يحب الطيب . نظيف يحب النظافة.كريم يحب الكرم. جواد يحب الجود، فنظفوا أفنيتكم ولا تتشبهوا باليهود ) والإسلام وهو يأمر بذلك يقصد إلى تخلية البيوت والشوارع من القمامات التي تنبعث منها رائحة غير طيبة وتكون مصدرا للعامل وانتشار الأمراض والعدوى. فلنحافظ على نظافتنا ولنحافظ على صحتنا ولنحافظ على حياتنا من الوهن والضعف. و نحن جميعا نعلم كذلك ان ديننا الاسلامي اعتني بالنظافة بشكل لم تعهده التشريعات الأخرى فمن اعتبارها جزءاً من الإيمان إلى جعلها أساس أغلب العبادات الإسلامية حيث يعتبر الوضوء مقدمة للصلاة، والنظافة بمعناها العام تأخذ عدة مفاهيم، فهناك النظافة المادية وهي نظافة الجسد من الأدران والأوساخ والنجاسات، وهناك النظافة المعنوية وهي نظافة الروح من الأدران والنجاسات التي تطرأ على نفس الإنسان، والمسماة في العلوم الحديثة بالأمراض النفسية. بداية انا حددت الموضوع بمصر لاني مصرية و بالتالي اعرف جيدا الوضع بمصر و كذلك لاني قد لاحظت ان معظم الاعضاء من مصر و لكن اتمني ان تشاركونا جميعا الفكرة ف اعلم ان معنا اعضاء رائعيين من الاردن و العراق و فلسطين وسوريا و ...........و...... شوفوا انا و انت و انتي و هما و كلنا اكيد بنحب مصر مهما حصل بنحبها و نتمني تكون من افضل الدول في شتي المجالات بس التمني مش كفاية ....الحلم يا اخواتي مش كفاية حبايبي انا نفسي والله مصر تتحسن و تكون غير كدا في كل شئ انا فكرت اناقشكم في موضوع نظافة الشوارع يمكن لاني سافرت برا زي ناس كثيرة و شوفت الفرق الشاسع في النظافة انا مش هحلم و اقول ان بموضوعي هنا في المنتدي هغير الكون او هغير شعب مصر بس احنا هنا و كل الاعضاء في المنتدي ممكن نغير سلوكيتنا يمكن يكون الحل ذو النتائج السريعة في ايدي الحكومة ب انها توفر اماكن لرمي القمامة في الشوارع توفر عمال نظافة تخرج بعد كدا قوانين حازمة لاجبار الشعب علي النظافة تعلم اطفالنا من الحضانة ان مينفعش نرمي في الارض و ناذي غيرنا بمخلفاتنا ناذي وطننا و ارضننا بزبالتنا(معذرة علي اللفظ و لكني تعمدت لانها الحقيقة و لابد ان نغير الواقع و نفوق) انا بس بكلمك انت و انتي اللي بتقروا كلامي و بكلم نفسي معاكم نوعد بعض و يشهد علينا الله ان منرميش اي ورقة اوي متعلقات شخصية او مخلفات علي الارض في الشارع اعتبر الشارع بيتك و لو مضطر ف خلي الورقة او اي شئ عايز ترميه ف جيبك و انتي خليه ف شنطتك لحد م نرجع البيت نرميه في الصندوق او لحد م نلاقي اقرب صندوق في الشارع و نرمي فيه بلاش تقولوا ان عددنا بسيط و اننا ابرة في كوم قش...مصر فيها ملايين من البشر لا صدقوني مع الوقت ممكن نعمل حاجة كل حد هيشوفنا بنعمل كدا هيتكسف يرمي بعد كدا امامك و الحد دا حد تاني هيشوفه و هيبطل يرمي هو كمان و انتوا حاولوا تكلموا و تقنعوا اصحابكم قرايبكم اعتيروا موضوعي موضوعكم و انشروه في اي مكان و علي اي موقع علي قدر استطاعتكم صدقوني بعد فترة(ممكن تكون سنين و سنين)حالنا هيتغير يمكن ابني و ابنك او حتي احفادنا هما اللي يحسوا بالفرق بس و الله كفاية الاحساس اللي هتحس بيه هتشعر ب احترامك لنفسك و هتقدرها جدا جدا و ربنا سبحانه و تعالي و رسوله صلي الله عليه وسلم هيحبوك و هيرضو عنك اكثر هااااااااااااااااااااا هتوعدوني ؟؟ هااااااااااااااااا بتحبوا ربنا بتحبوا مصر لازم توعدوني اوعدوني اكون نجحت ان اوصل لكم الفكرة كما كانت في تفكيري شكرا و معذرة علي الاطالة اختكم في الله اسماء عايد *